علامہ خادم حسین رضویؒ
تحریر:مولانامحمدسعدندیم
فرزند:علامہ عبدالغفورندیم شہیدؒ
مسلکی اختلاف اپنی جگہ لیکن علامہ خادم حسین رضوی ایک بےباک لیڈراور نڈر عالم دین تھے۔علامہ خادم حسین رضوی نےاپنی زندگی میں ہمیشہ دین دشمن قوتوں کوسرعام للکاراہے۔عالم کفرکےخلاف کھل کرعملی میدانوں میں کام کیا۔علامہ خادم حسین رضوی نےجس طرح دشمن ختم نبوتﷺکوآڑھے ہاتھوں لیابالکل اسی طرح دشمن صحابہؓ کوبھی آڑھےہاتھوں لیا۔حق گوعالم دین تھے۔انہوں نےاپنی زندگی میں حق گوئی کوہی اپناپیشہ بنارکھاتھا۔علامہ صاحب کواسی حق گوئی کی پاداش میں کئی بار پابندسلاسل کیاگیا۔ان پرجھوٹےمقدمات بناکران کوجیل کی سلاخوں کےپیچھےڈالاگیالیکن جیل اور ہتھکڑی اس حق گوعالم دین کےپایااستقلال میں کمی نہیں لاسکی۔بلکہ جیل میں کئی ماہ کی اسیری کاٹنےکےبعدسب سمجھ رہےتھےکہ اب علامہ صاحب خاموش ہوجائیں گئے لیکن سب حیران رہ گئے کہ جس شخص کوڈرانےدھمکانےکےلئے سلاخوں کےپیچھے دھکیل دیاگیاتھا۔وہ شخص پہلےسےزیادہ پاورفل ہوکرپھرایک نئےعزم کےساتھ میدان میں کھودپڑا۔نہ انکےخطاب میں کوئی لرزش آئی نا انکےاندازگفتگو میں کوئی لرزش آئی نا انکےکام و کاز و مشن میں کوئی لرزش آئی۔اللہ پاک اس طرح کےحق گوعالم اور خوبصورت لیڈر صدیوں کےبعدپیداکرتاہے۔جس طرح انکی جدائی کاغم انکےعزیزو اقارب و جماعت کےلوگوں کوہےاسی طرح انکاغم ہمارابھی غم ہے۔اللہ پاک نے بےپناہ صلاحیتوں سےعلامہ صاحب کونوازتھا۔علامہ خادم حسین رضوی صاحب کواحادیث مبارکہ کی عربی عبارتوں پرعبورحاصل تھاوہ فرماتےتھےمجھے بخاری شریف ترمذی شریف سنن ابی داؤد ابن ماجہ کی احادیث زبانی یادہیں اور کئی جلسہ گاہوں میں عربی عبارت فرفرپڑھ کرچاہنےوالوں کےایمان کوگرما دیتےتھے۔عربی کہ ایک ایک لفظ سےعربی گردانیں پڑھنا جوکہ ہر کسی کےبس کی بات نہیں ہے علامہ خادم حسین رضوی صاحب اس فن پرمکمل عبوررکھتےتھے۔
علامہ رضوی صاحب کےاہلخانہ سےاظہار تعزیت کرتاہوں اور دعاگوہوں کہ اللہ پاک علامہ خادم حسین رضوی مرحوم کوجنت الفردوس میں اعلی مقام عطافرمائے اور لواحقین صبرجمیل نصیب فرمائے۔آمین
کوئی تبصرے نہیں:
ایک تبصرہ شائع کریں